د حسیني اربعین د زیارتوالو لپاره د علوی آستان ځانګړی قرآنی پروګرامونه پلان کړي
ایکنانیوز د علوي مقدس آستان د اطلاع رسونې د وبسایټ له قوله راپور راکړ،د قرآني پرګرامونو دغه پلان د پرله پسې نهم کال لپاره د عراق په ۱۲ ولایتونو کې اجرا کیږی او په دغو پروګرامونو کې د فاتحې مبارکې سورې او نورو واړو واړو سورو د قرائت سموَل او همداراز د حسینی اربعین زیارتوالو ته د نورو قرآنی خدماتو وړاندې کول شامل دي.
د علوی دارالقرآن د مسئولانو په وینا،په بصرې ،کربلا، دیالی، بغداد،او کرکوک ولایتونو کې د قرآني کړیو او د حسینی موکبونو ، جوماتونو، اورګانونو په غږملتیا او پشتیبانۍ سره او په عراق کې د قرآنیانو د اتحادئې په ملګرتیا سره ۲۵۰قرآنی سټالونه او تمځایونه جوړیږی.
دغه پلان د هغو زیارتوالو د قرآني مهارتونو د ښه کولو په موخې سره ترسره کیږی چې د نړئ له ګوټ ګوټه د عتبات عالیات زیارت لپاره عراق ته ورځي او همداراز د تلاؤت د کیفیّت پرلوړتیا او په زیارتوالو کې د قراني کلتور د پراختیا او د قرآن کریم د معارفو د سوئې د لوړتیا لپاره تمرکز لري.
ددغه پلان د مسئولانو په وینا، دغه پلان د حسینی اربعین زیارتوالو ته د خدماتو د رسونې او میلمه پالنې لپاره د حضرت امام علی علیه السلام د مقدس حرم له تیارولو سره په یووخت ئې د اجرا مقدمات اجرا کیږی. دغه زیارتوال کربلا معلی ته له روانیدا مخکې په نجف اشرف کې د امام علی پاک حرم زیارت څخه مشرف کیږي.
